மொபைலில் மேப்பைப் பார்த்தபடியே காரை ஓரம் கட்டினாள் நட்சத்திரா . வீட்டு நம்பரைப் சரி பார்த்து கேட்டைத் திறக்க முயற்சிக்கையில் , நட்சத்திரா , நட்சத்திரா என்று யாரோ கூப்பிடுவது கேட்டது.
கேட்டிலிருந்து கை எடுக்காமலேயே அக்கம் பக்கம் பார்த்தாள். ஸ்லீவ் லெஸ் டாப்ஸும் , ஜீன் நிக்கரும் அணிந்து கொண்டு முடி காற்றில் பறக்க , அதை ஒதுக்கி விட்ட படி , கை ஆட்டியபடி கூப்பிட்டுக்கொண்டு இருந்தாள் மெல்லிசை.
மெல்லிசையை போட்டோவில் பார்த்து இருக்கிறாள் நட்சத்திரா. வாட்ஸ் அப் “ப்ரொஃபைல் போட்டோ”வை விட அழகாகவும் இளமையாகவும் தெரிந்தாள் மெல்லிசை.
முதன் முதலில் சிகரன் ,மெல்லிசை நம்பரை கொடுத்த போது , அதை சேமித்துக்கொண்டு , அவளின் வாட்ஸ் அப் ப்ரொஃபைல் போட்டோவை மணிக்கணக்கில் பார்த்துக்கொண்டு இருந்தாள் நட்சத்திரா.
சிகரன் மெல்லிசையை முத்தமிடுவது ,
